Urrats Sendoak, helburu handiak
Eskolak garrantzi handiko zeregina betetzen du, oso adin txikietatik, ongizate emozionalaren zaintzan, horixe baita haurrek bizikidetza ikasten duten familiaz kanpoko lehen espazio publikoa. Bizitako esperientziak gizarte bizikidetzako eredu bihurtzen dituen eremu bat.
Madre de Dios Ikastetxean, Hezkuntza Komunitatea osatzen dugun kide guztien ongizate emozionalaren aldeko apustua egiten dugu.
Ongizate emozionalaren aldeko apustu horrek askotariko onura ugari dakarzkio haurren eta gazteen hezkuntza prozesuari:
Laburbilduz, pertsona emozionalki adimendunek gaitasun handiagoa dute taldean lan egiteko, gatazkak kudeatzeko, proaktiboak izateko, enpatia edukitzeko, aditzeko… hau da, biderkatu egiten zaizkie etorkizunean arlo pertsonalean nahiz lan arloan arrakasta izateko aukerak, ongi sentitzen dira eta gogobetegarriagoa zaie bizitza.
Ikasgela bikoitzak
Madre de Dios Ikastetxean, ikasgela bikoitzen aldeko apustua egiten dugu; hau da, ikasmaila berean bi irakasle edo gehiago aritzea baterako irakaskuntza eskaintzeko.
Jarduteko eredu horrek aukera ematen digu gure irakaskuntza eginkizuna hobetzeko:
- Irakasleari lagungarria zaio plangintza eta ebaluazio prozesuen kontrastean
- Irakasleek elkarrengandik ikastea errazten du: konpetentziak, trebetasunak…
- Irakaskuntza jarduerari buruzko gogoeta ahalbidetzen du: Coachinga
- Berrikuntza sustatzen du: saihestu egiten dira errutina, ikasgelako monotonia… eta aberastasuna eskaintzen du esperientzietan, aukeretan… ikasteko modu berriak…
Ikasleei dagokienez:
- Ikasleen arreta, jarraipena eta ebaluazioa hobetzen du, eta ikaskuntza pertsonalizatzeko aukera ematen die ikasgelako irakasleei.
- Ikasleen ezagutza eta ulermena hobetzen laguntzen du, osagarritasunari esker, bi ikuspegi, egiteko bi modu…
Madre de Dios Ikastetxeak ikaskuntza ulertzeko modu berri bat sustatzen du:
- Konpetentziak oinarri:Gaitasun eta trebetasun guztiak garatuz.
- Ikasgela dualak: Bi irakaslek edo gehiagok dihardute ikasgela bakoitzean irakaskuntza eginkizunak betetzen.
- Diziplinarteko proiektuak, problemetan eta pentsamendu kritikoan oinarrituriko ikaskuntza.
- Ikaskuntza kooperatiboa.
- Estimulazio goiztiarra.
- Ikaskuntza esanguratsuaren bidez ikastea, errepikapenean edo memorian oinarrituriko sistema klasikoa erabili ordez.
- Komunikazio zuzena eta gardena familiekin eta hezkuntza komunitateko kideekin, ikasleen hezkuntzaren jarraipenerako plataforma digitalen bidez; barne plataforma sozialaren bidez; webgune, blog eta gizarte sareen bidez.
Gure programak eta proiektuak
Steam proiektua
Bokazio zientifikoa eta teknologikoa ernatzea, ikuspegi sortzaile eta ekintzaile batetik eta pertsonen benetako premien zerbitzurako.
STEAM proiektuak Design Thinking metodologiarekin uztartzen direnean, diziplinartekotasuna ez ezik, ekintzailetzarako konpetentzia konplexuak ere sustatzen dira, eta metakognizioa eta, beraz, ikasten ikastea ahalbidetzen duten gogoeta prozesuak bideratzen dira.
Ikastetxeko STEAM proiektuak:
Proiektu eleanitza
Gure helburua da ikasleek konpetentzia anitzeko profil eleaniztuna lortzea; hau da, gai izatea beren potentzialitate guztiak mundu globalean komunikaziorako erabiltzen diren hizkuntzetan adierazteko. AMCO metodoak aukera ematen du gure ikasleek garapen emozional, intelektual eta sozialean oinarriturik ikas dezaten ingelesa.
Estimulazio goiztiarra
Haur Hezkuntzan estimulazio goiztiarra sustatuz, gehiago ikasteko prestatzen da garuna eta saihestu egiten dira etorkizuneko ikaskuntzen zailtasunak.
Psikomotrizitatea
Haur Hezkuntzako umeek jolas espontaneoaren bidez eta adierazkortasunaren bidez erakusten digute nola dauden eta nola eraikitzen dituzten espazio, denbora, objektu, pertsona eta norbere gorputzarekiko erlazioak.
Txandaka programa
Programa honen xedea da hizkuntza garatzea eta zailtasunei aurrea hartzea, hizkuntzaren hiru dimentsioetan (erabilera, forma eta edukia) lantzen diren gaitasunak eta trebetasunak sustatuz.
Lebab barnekotasun-proiektua
Barnekotasuna landuz, barnera begiratzeko, norbere baitan pertsona gisa “izateko” eta “hazteko” aukera ematen diegu haurrei.
Ikaskuntza premiak dituzten ikasleen arreta
Orientazio Sailak, erakundearen Hezkuntza Proiektuarekin bat, ikasle guztien aukera berdintasunaren berme gisa eta hezkuntza prozesuko zailtasunak ahal beste murrizteko bitarteko gisa lantzen du inklusioa.
Xakea
Xakeak adimen gaitasunak trebatzeko eta garatzeko lagungarri diren hainbat ezaugarri biltzen ditu: arretaren kontzentrazioa, memoria (asoziatiboa, kognitiboa, selektiboa, bisuala), abstrakzioa, arrazoiketa, koordinazioa, planifikazioa…
Matematika berritzailea
Bi proiektu berritzaile hauen bidez, ikasleek norberaren adinaren arabera ikasten dituzte kontzeptu matematikoak, betiere manipulazioa, behaketa, esperimentazioa eta jolasa abiapuntu harturik. Metodologia honen helburua da ikaslea izatea bere ikaskuntzaren protagonista, bere baliabideak kudeatuz eta askotariko jarduerak landuz.
Ikasle bakoitzak ordenagailu bat
DBHko 1. mailatik aurrera, ikasle bakoitzak bere ordenagailua du. Batxilergoan, ikasleek aukera dute nork bere ordenagailua ekartzeko BYOC (Bring Your Own Device).
Estatu Batuetako Batxilergo Duala
Eskuratu ezazu Batxilergoko titulu bikoitza, DBHko 2. mailatik aurrera.
